Иргэний улсын ахлах бүртгэгч нарт зориулсан сургалт боллоо


“Монгол Улсын тогтвортой хөгжлийн үзэл баримтлал 2030” хөтөлбөрийн хүрээнд тус газар нь Эрүүл мэндийн яам, Үндэсний статистикийн хороотой хамтран мэдээлэл солилцох цахим бүртгэлийн системийг 2018 оны 11 нэгдүгээр сарын 1-нээс улсын хэмжээнд нэвтрүүлэхээр төлөвлөн ажиллаж байна.

Тэгвэл энэхүү системийг нэвтрүүлэхтэй холбогдуулан тус газрын иргэний улсын ахлах бүртгэгч нар болон эрүүл мэндийн статистикийн мэргэжилтнүүдэд зориулсан холбогдох сургалт 2 үе шаттай явагдаж өндөрлөлөө. Эхний шатны сургалт Corporate зочид буудалд үдээс өмнө явагдсан бол хоёр дахь шатны сургалт үдээс хойш тус газрын төв байранд үргэлжлэв. Тус сургалтуудыг нээж Улсын бүртгэлийн ерөнхий газрын дарга Б.Баасандорж болон дэд дарга Д.Дэлгэрсайхан нар үг хэллээ.
Сургалтын үеэр Улсын бүртгэлийн ерөнхий газар, Эрүүл мэндийн яам, Үндэсний статистикийн хороо, Эрүүл мэндийн даатгалын ерөнхий газар, Монгол дахь НҮБ-ын Хүүхдийн сан Хяналт үнэлгээний газар зэрэг холбогдох байгууллага, мэргэжлийн байгууллагын төлөөллүүд оролцож, дээрх шинэ системийн танилцуулга, цахим бүртгэлийн шинэ тогтолцоо, авч хэрэгжүүлсэн арга хэмжээний талаар илтгэл тавьсан. Мөн илтгэгч нар иргэний улсын бүртгэл хөтлөх журмын төсөл, мэдээллийн санд бүртэгл хөтлөх аргачлал, зааварчилгааны талаар шаардлагатай мэдээлэл, танилцуулга хийж, сургалтад хамрагдсан оролцогч нартай санал солилцсон юм.
Сургалтад 21 аймаг, 9 дүүрэг, 4 төвийн иргэний улсын ахлах бүртгэгч нараас гадна дээрх байгууллагуудын нийт 50 гаруй албан хаагч хамрагдав.

Видео мэдээ

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо /АНУ-ын элчингийн чанх хойно /
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890, 320502 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт