Previous Next

Эд хөрөнгийн эрхийн бүртгэлийн албан хаагчид Швед, Дани, Норвеги Улсын туршлагыг судлав

Монголын Мянганы Сорилтын Сангийн санхүүжилтээр хэрэгжиж байгаа “Хөрөнгийн эрхийн төсөл”-ийн хүрээнд тус газрын Эд хөрөнгийн эрхийн бүртгэлийн албан хаагчид 2012 оны 5 дугаар сарын 20-28-ны өдрүүдэд Швед, Дани, Норвеги улсын эд хөрөнгийн бүртгэлийн байгууллагын ажилтай танилцаж, туршлага судлах аялалд оролцов.

 

Швед Улсын газрын бүртгэл буюу үл хөдлөх хөрөнгийн эрхийн бүртгэл нь шүүхэд, газрын кадастрын бүртгэл нь газрын албанд байсныг 2008 онд нэгтгэж нэг байгууллага болгосон байна. Цахимжуулах ажлыг 1995 онд хийж дууссан бөгөөд одоогийн архив болон бүртгэлийн үйл ажиллагаа бүрэн цахим системд шилжсэн байдаг. 1 жилд 1 ажилтан дунджаар 5000 орчим бүртгэл хийдэг. Дани Улсад кадастр, үл хөдлөх хөрөнгийн хэмжил зураглалын үйл ажиллагааг Байгаль орчны яам, үл хөдлөх хөрөнгийн эрхийн бүртгэлийн үйл ажиллагааг газрын бүртгэлийн шүүх хариуцдаг бол Норвеги Улсад кадастрын хэмжил зураглал хийх ажлыг орон нутгийн захиргаа нь хариуцдаг байна. Норвеги Улс 1988-1995 онд цахимжуулах ажлыг хийсэн бөгөөд 6 жилийн хугацаанд 2.4 сая эд хөрөнгийн бүртгэлийн 6 сая ширхэг цаасыг цахимжуулжээ. Швед, Дани, Норвеги Улс бүртгэлийн үйл ажиллагаандаа мэдээллийн технологийг өргөн ашигласан, аливаа гэрээ, бүртгэлийн үйл ажиллагааг маш энгийн ойлгомжтой болгосноороо нийтлэг байна. Улсын бүртгэлийн ерөнхий газар одоо эхлүүлээд байгаа үл хөдлөх эд хөрөнгийн архив болон бүртгэлийн системийг цахимжуулах ажлыг амжилттай хийснээр дээрх орнуудын түвшинд очих бүрэн боломжтой болох юм.

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт