УБЕГ-ын төлөөлөгч Гүрж Улсын Мэдээлэл солилцооны агентлагын үйл ажиллагаатай танилцаж тус улсын цахим засаглалын туршлагаас судлав

Тус газрын Мэдээлэл технологийн газрын орлогч дарга 2012 оны 9 дүгээр сард Гүрж улсын Хууль зүйн яамны харъяа Мэдээлэл солилцооны агентлагын үйл ажиллагаатай танилцаж цахим засаглалыг бий болгон, хөгжүүлсэн туршлагын талаар туршлага судлаад ирлээ.

 

Уг агентлаг нь мэдээлэл солилцооны хууль эрх зүйн бодлого, автоматжуулсан бүртгэлийн систем, мэдээллийн аюулгүй байдлыг хангах гэсэн үндсэн 3 чиглэлээр үйл ажиллагаагаа явуулдаг байна.. Гүрж Улс нь мэдээллийн технологийн орчин үеийн ололтыг ашиглан бүх төрлийн бүртгэлийн систем, төрийн байгууллагуудын мэдээлэл солилцох ажиллагааг Засгийн газраас бодлогоор дэмжин ажилласны дүнд төрийн байгууллагуудын мэдээллийн нэгдсэн цогц систем бий болгож, төрөөс үзүүлж буй үйлчилгээг шуурхай, нээлттэй болгон авилга хүнд суртлыг эрс бууруулж чаджээ. Энэ чиглэлээр салбар бүрт олон төрлийн төслийг хэрэгжүүлсэн бөгөөд эдгээрийг тус агентлаг нэгдсэн бодлогоор удирдаж, мэдээллийн урсгалыг хянадаг байна. Энэхүү агентлаг нь Гүржийн 500 төрийн байгууллагыг шилэн кабелиар холбох ажлыг гүйцэтгэсэн бөгөөд төрийн байгууллагуудын мэдээлэл солилцох дэд бүтцийг байгуулах ажлыг амжилттай хэрэгжүүлж эхлээд байгаа юм байна. Цаашид хэрэглэгчдэд чиглэсэн нэгдсэн мэдээллийн портал, гадаад худалдааны цахим нэг цонхны систем, бичиг баримтыг солилцох систем, төрийн байгууллагуудын хүний нөөцийн бүртгэлийн систем, баталгаажсан мэдээлэл түгээлтийн системийг бий болгохоор төлөвлөн ажиллаж байна. Гүрж улсад Мэдээлэл солилцооны агентлагын тухай хууль, Мэдээллийн бүртгэлийн нэгдсэн системийн тухай хууль, Мэдээллийн аюулгүй байдлын тухай хууль, Хувь хүний мэдээлэл хамгаалалтын тухай хуулиудыг батлан хэрэгжүүлснээр мэдээллийн урсгалын нэгдсэн системийн эрх зүйн зохицуулалтыг бий болгож чаджээ. Энэхүү нэгдсэн системийнхээ ачаар иргэдэд төрийн бүх төрлийн үйлчилгээг хурдан шуурхай нэг цэгээс авах боломжийг бий болгосон байна.

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт