Previous Next

АНУ-ын Мянганы Сорилтын Корпорацийн ерөнхийлөгчийг хүлээн авч уулзлаа

лсын бүртгэлийн ерөнхий газрын дэд дарга Г.Билгүүн, Тамгын газрын дарга Ч.Чанлуулодой, Бүртгэлийн газрын дарга Д.Энхцэцэг нар өнөөдөр АНУ-ын Мянганы Сорилтын Корпораци (МСК)-ийн Тэргүүн Дэд ерөнхийлөгч Томас Херли, ийн Удирдах зөвлөл АНУ-ын Худалдааны агентлагийн төлөөлөгч Мери Рикман, МСК-ийн Монгол дахь Суурин Дэд төлөөлөгч Бурак Инанч нарыг хүлээн авч уулзан Хөрөнгийн Эрхийн Төслийн талаар санал бодлоо солилцлоо.

 

Энэ үеэр корпорацийн Тэргүүн дэд ерөнхийлөгч Томас Херли төслийн хэрэгжилтэд анхаарал тавин үр дүнтэй хамтран ажиллаж байгаа Улсын бүртгэлийн ерөнхий газрын хамт олонд талархал илэрхийлэв. «Хөрөнгийн эрхийн төсөл» нь гэр хорооллын иргэдийг газар болон хөрөнгийн эрхийн бүртгэлээр дэмжих зорилготой бөгөөд төсөл хэрэгжсэнээр газар хувьчлалын үйл ажиллагааг дэмжих, өмчлөгдсөн газрыг хөрөнгийн эрхийн бүртгэлд бүртгүүлэхэд учирч буй бэрхшээлүүдийг арилгах, бүртгэлийн үнэн зөв найдвартай байдлыг хангахад оршино. Мөн хууль эрх зүйн орчныг боловсронгуй болгох, боловсон хүчний чадавхийг нэмэгдүүлэх, иргэдэд газрын эдийн засгийн эргэлтийг ойлгуулах зэрэг үйл ажиллагааг дэмжихэд ихээхэн ач холбогдолтой билээ. Уг төсөл 2008-2013 оны 9 дүгээр сарыг дуустал нийт 5 жилийн хугацаанд хэрэгжих юм. Уулзалтын төгсгөлд Мянганы Сорилтын Корпорацийн ерөнхийлөгч болон албаны хүмүүс тус сангийн санхүүжилтээр засварлан тохижуулсан Улсын бүртгэлийн ерөнхий газрын үйлчилгээний 1-р байртай танилцав.

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт