Previous Next

БНКирУ-ын төлөөлөгчид УБЕГ-т албан уулзалт хийв

БНКирУлсын Тэргүүн шадар сайд Т.Сарпашев тэргүүтэй төлөөлөгчид манай улсад иргэний шинэчилсэн бүртгэл явуулсан арга туршлагыг судлахаар 2014 оны 6 дугаар сарын 9-ний өдөр УБЕГ-ын удирдлагуудтай албан уулзалт хийлээ.

Албан уулзалтад Киргизийн талаас БНКирУлсын Тэргүүн шадар сайд Т.Сарпашев, БНКирУ-ын Засгийн газрын дэргэдэх Улсын Бүртгэлийн албаны дарга А.Шаикова, болон бусад албаны төлөөлөгчид, УБЕГ-ын талаас дарга Ц.Пүрэвдорж, тэргүүн дэд дарга Т.Баттулга нар оролцлоо. Энэ үеэр Иргэний бүртгэлийн газрын дарга Ц.Батцайз, Мэдээллийн технологийн газрын дарга М.Алтанзүрх нар иргэний шинэчилсэн бүртгэл, түүний цахим үйл ажиллагааны талаар танилцуулга хийв. Мөн БНКирУлсын холбогдох албаны хүмүүс 2014 оны 6 дугаар сарын 10-ны өдөр Хан-Уул дүүргийн Улсын бүртгэлийн хэлтэст ажиллаж, иргэний бүртгэлийн процесстой танилцлаа. БНКирУлсын Тэргүүн шадар сайд Т.Сарпашев манай улсын иргэний шинэчилсэн бүртгэл, хүрсэн амжилтыг дурдаж, цаашид хамтран ажиллана гэдэгт итгэж байгаагаа илэрхийлсэн юм.

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт