Previous Next

БНСУ-д Сөүл хотноо зохион байгуулагдсан “Олон улсын 10 дугаар ангилал”-ын сургалтад оролцлоо

НҮБ-ийн Хүн амын сангийн санхүүжилтээр ЭМЯ болон БНСАУ-ын Ионсей их сургууль хамтран 2 дахь удаагаа зохион байгуулж буй “Олон улсын 10 дугаар ангилал”–ын сургалтад Иргэний бүртгэлийн газрын Иргэний бүртгэл, статистикийн хэлтсийн дарга Т.Булгантамир оролцлоо.

Сургалт 9 дүгээр сарын 15-наас 26-ны өдрүүдэд Ионсей их сургуулийн Северанс эмнэлэг дээр зохион байгуулагдсан. Дэлхийн эрүүл мэндийн байгууллага /WHO/-аас тогтоосон стандартын дагуу төрөлт болон нас баралтыг хэрхэн бүртгэх, кодлох аргачилалыг судалж, тус бүртгэлтэй холбоотой олон улсын стандартыг бүртгэлийн байгууллагад нэвтрүүлэх боломжийг бүрдүүлэх явдал юм. Энэ хүрээнд тус сургалтаар “Олон улсын 10 дугаар ангиллын агуулга”, ач холбогдол, өвчлөлийг кодлох арга аргачлалтай газар дээр нь танилцаж, дадлага хийхээс гадна тус улсын Северанс эмнэлэг, Хавдар судлалын үндэсний төвийн бүртгэл мэдээллийн ажилтай танилцсан нь сургалтын чухал ач холбогдол байсан байна. Дашрамд дурдахад Улсын бүртгэлийн ерөнхий газар нь Эрүүл мэндийн яамтай дээрх чиглэлээр хамтран ажилласны үр дүнд “Олон улсын 10 дугаар ангилал”-аар кодлогсон эмнэлэгийн байгууллагын төрсний болон нас барсний гэрчилгээг үндэслэн бүртгэл хөтлөх, мэдээллийн сангийн зөрүүтэй байдлыг арилгах, харилцан мэдээлэл солилцох, статистик тоо мэдээг тогтоосон хугацаанд хүргүүлэх үйл ажиллагаанд томоохон ахиц гарч байна.

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт