Previous Next

УБЕГ-ын дарга Ц.Пүрэвдорж тэргүүтэй төлөөлөгчдийн бүрэлдэхүүн ОХУ- д албан айлчлал хийв

Улсын бүртгэлийн ерөнхий газар болон Оросын Холбооны Улсын Хууль зүйн яамны дэргэдэх Улсын бүртгэлийн газар хамтран байгуулсан “Хамтын ажиллагааны хэлэлцээр”ийн хүрээнд хамтын ажиллагааг өргөжүүлэн бататгах зорилгоор Улсын бүртгэлийн ерөнхий газрын төлөөлөгчдийн бүрэлдэхүүн ОХУ-д аравдугаар сарын 29-ны өдрөөс 11 сарын 01-ний өдрүүдэд албан айлчлал хийв.

Уулзалтын эхэнд УБЕГ-ын дарга Ц.Пүрэвдорж болон ОХУ-ын бүртгэлийн танхимын орлогч дарга Насимов В.Л ОХУ-ын нар тус тусын байгууллагын өнөөгийн байдал, цаашдын зорилт, 2014 онд шинээр хийгдсэн онцлог ажлын талаар харилцан танилцуулга, мэдээлэл хүргэхээс гадна уулзалтын хүрээнд хоёр байгууллага цаашид хэрхэн хамтран ажиллах талаар санал солилцов. Энэ үеэр ОХУ-ын бүртгэлийн танхим удирдлага тус улсын танхим дэлхийн 37 оронтой “Хамтын гэрээ”-тэй ажилладаг бөгөөд эдгээр орнуудаас хамгийн оновчтой, нэгдмэл бүтэцтэй нь Монгол Улсын бүртгэлийн байгууллага байгааг онцлон тэмдэглэж байв. Мөн тэрээр хамтын ажиллагааны хүрээнд өнгөрсөн онд тус танхимын төлөөлөгчид Монгол Улсад айлчлахдаа Монгол Улсын Бүртгэлийн байгууллагын үйл ажиллагаатай танилцсан. Асар уудам газар нутагтай, цөөхөн хүн амтай, алслагдсан суурьшилтай орны хувьд16 нас хүрсэн нийт иргэдийнхээ 99,7 хувийг биеийн давхцахгүй өгөгдөл болох хурууны хээгээр аливаа давхардалгүйгээр бүртгэж чадсан нь маш том амжилт юм. Энэ их ажлыг асар богино хугацаанд амжилттай хийж чадсан танай байгууллагын хамт олноор бахархаж байгаа илэрхийлье гэлээ. Түүнчлэн Монгол Улсыг дэлхий анхааралтай ажиглаж байна. 2012, 2013 онуудад Монгол Улсад явагдсан шат шатны сонгууль бүрэн автомжуулсан хэлбэрээр амжилттай явагдсан нь Ази тивд төдийгүй дэлхийд тэмдэглэм үйл явдал болсон. Эдгээр сонгуулиудад Монголын Бүртгэлийн байгууллага хуульд заасан үүргээ нэр төртэй биелүүлсэнд баяртай байгаагаа илэрхийлээд Монгол Улсын Засгын Газраас Төрийн үйлчилгээг ард иргэдэд хөнгөн шуурхай, аливаа хүндрэлгүй хүргэх чиглэлээр хийгдэж байгаа ажлууд Олон Улсын хэмжээнд үлгэр жишээ болохуйц болж байгааг онцлон хэлэв. Дээрх айлчлалын хүрээнд Монгол Улсаас ОХУ-д суугаа бүрэн эрхэт элчин сайд Ш.Алтангэрэлтэй уулзаж хоёр улсын хооронд маргаантай байгаа үл хөдлөх хөрөнгө бүртгэлийн талаар болон ОХУ-д сурч, ажиллаж, амьдарч байгаа иргэд шинэчилсэн бүртгэлд хэрхэн хамрагдаж байгаа, иргэний гэр бүлийн бүртгэлийн асуудалд гарч байгаа хүндрэлүүдийн талаар харилцан санал солилцов. ОХУлсад албан томилолтоор ажиллах хугацаанд аливаа нэгэн саад бэрхшээлгүй, төлөвлөсөн ажлыг үр дүнтэй бүрэн гүйцэтгэж ажилласан болно. Айлчлалын бүрэлдэхүүнд Монгол улсаас УБЕГ-н дарга Ц.Пүрэвдорж, дэд дарга Р.Даваадорж, Сэлэнгэ аймгийн улсын бүртгэлийн хэлтсийн дарга Х.Батгэрэл, Өмнөговь аймгийн улсын бүртгэлийн хэлтсийн дарга Ч.Энхмөнх, Булган аймгийн улсын бүртгэлийн хэлтсийн дарга Ж.Ганболд, ОХУ-аас тус улсын Хууль зүйн яамны дэргэдэх Улсын бүртгэлийн танхимын дарга Насимов Валерий Львович, Гадаадын хөрөнгө оруулалттай компаний төлөөлөгчийн газрын үйл ажиллагаа болон виз хариуцсан ажилтан Кубышкин Андрей Владимирович болон бусад албаны хүмүүс оролцов.

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт