УБЕГ-ын дарга Ц.Пүрэвдорж БНСУ-ын “олон улсын Бүртгэл менежмент” бага хуралд оролцов

Улсын бүртгэлийн ерөнхий газрын дарга Ц.Пүрэвдорж БНСУ-ын “Олон улсын бүртгэл менежмент” сэдэвт бага хуралд энэ оны 9 дүгээр сарын 22-26-ны өдрүүдэд оролцлоо. Уг хурлийн зорилго нь Интер-Америкийн Хөгжлийн банк, Азийн хөгжлийн банк, Африкийн хөгжлийн банкны гишүүн улс орнуудын бүртгэлийн системийн шинэчлэлийн хандлагын талаарх мэдээлэл өгөх, харилцан туршлага судлах, хамтран ажиллах юм.

Бага хуралд гурван бүсээс Интер-Америкийн хөгжлийн банк, Азийн хөгжлийн банк, Африкийн хөгжлийн банкны гишүүн улс орнуудын төлөөллүүд оролцож улмаар тус гишүүн улс орнууд өөрсдийн сурч, мэдсэн мэдлэг, туршлагаа хуваалцах явдал байв. Мөн бага хурлын ач холбогдол нь олон нийтийн бодлогыг сайжруулах, удирдлагыг бэхжүүлэхэд хувь нэмрээ оруулж, бүртгэлийн менежментийн ажил үүрэгт дүн шинжилгээ хийх асуудалд анхаарлаа хандуулсан явдал юм.

“Олон улсын бүртгэлийн менежмент” сэдэвт анхдугаар бага хурлаас хүний хөгжлийн индексийг сайжруулахын тулд олон талт бүртгэлийг дэмжих, иргэний бүртгэл болон иргэний үнэмлэхийн бүртгэлийг үйл ажиллагааг шинэчлэх шаардлагын хүрээнд үр нөлөөтөй үйл ажиллагаа, тогтвортой хөгжил болон сайн удирдлага гэсэн гурван тал дээр анхаарал хандуулах, үндэсний иргэний үнэмлэхийн /ID/ системийг нэвтрүүлэхдээ Иргэний бүртгэлийг үндэсний энгинй иргэний үнэмлэхтэй /системтэй/ холбоход гарах үр дагавар, түүнчлэн био өгөгдлийн хувийн нууцлал, аюулгүй байдалтай холбоотой эрх зүйн асуудлыг анхаарах, үндэсний ID /иргэний үнэмлэхийн бүртгэл/ удирдлагын цахим тогтолцоог бий болгох, мөн аюулгүй байлдлын суурь арга хэмжээг боловсруулах, системийн үндэсний ID удирдлагаар дамжуулан иргэн бүрт тохирсон сайн төрийн үйлчилгээг үзүүлэх, нийгмийн үйл ажиллагааны үр ашигтай менежментэд зориулсан нууцлалыг таних системийг боловсруулах зэрэг асуудлууд шаардлагатай байгаа дүгнэлт гаргасан.

Үүний зэрэгцээ манай улсын бүртгэлийн үйл ажиллагааны хүрээнд дараах асуудалд анхаарах шаардлагатай гэж дүгнэсэн. Үүнд:

  • Иргэний бүртгэл, иргэний үнэмлэхний бүртгэлийг шинэчлэхийн тулд өндөр хөгжилтэй орнуудын тухайн ажлыг хэрэгжүүлсэн туршлагыг судлах
  • Цахим засаглал, цахим төрийн үйлчилгээг нэвтрүүлж буй өнөөгийн нөхцөлд цахим мэдээллийн санг кибер халдлагаас хамгаалах, аюулгүй байдлын суурь арга хэмжээг боловсруулах
  • Иргэний бүртгэл болон иргэний үнэмлэхний бүртгэлийг үйл ажиллагааг шинэчлэх шаардлагын хүрээнд үр нөлөөтэй үйл ажиллагаа, тогтвортой хөгжил болон сайн удирдлага гэсэн гурван тал дээр анхаарал хандуулах
  • Иргэний бүртгэл, иргэний үнэмлэхийн бүртгэлийг шинэчлэхийн тулд гарах үр дагавар, түүнчлэн био өгөгдлийн хувийн нууцлал, аюулгүй байдал, эрх зүйн орчинд анхаарах зэрэг болно.

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт