Ази, Номхон далайн бүс нутгийн иргэний бүртгэлийн ажилтны хуралд оролцов

Тайланд Улсын Патаяа хотод зохион байгуулагдсан Ази, Номхон далайн бүс нутгийн иргэний бүртгэлийн ажилтны хуралд Иргэний бүртгэлийн газрын дарга Ц.Батцайз энэ оны 7 дугаар сарын 15-17-ны өдөр оролцов.

Энэхүү хурлын гол зорилго нь иргэний бүртгэл, хүн амын статистикийн тогтолцоог бүс нутгийн хэмжээнд боловсронгуй болгох замаар төрсний, нас барсны, нас барсны шалтгааны бүртгэлд хамрагдвал зохих иргэдийг бүрэн хамруулах, иргэний үнэн зөв бүртгэлд тулгуурласан статистик тоо мэдээ гарган төрийн бодлогыг зөв тодорхойлох боломжийг бүрдүүлэх асуудлаар Бүс нутгийн хэмжээний үйл ажиллагааны төлөвлөгөө, тунхаг бичгийн төсөлд гишүүн улсаас оруулах санлыг хэлэлцэх явдал байв. Уг хуралд Ази, Номхон далайн бүс нутгийн 26 орны хүн амын бүртгэл, статистикийн албаны удирдах ажилтан болон НҮБ-ын Ази-Номхон далайн бүс нутгийн Эдийн засаг, нийгмийн комисс, НҮБ-ын Хүн амын хөгжлийн сан, Хүүхдийн сан, ОУ-ын төлөлвлөгөөний комисс , Дэлхийн эрүүл мэндийн байгууллага зэрэг олон улсын байгууллагын нийт 73 төлөөлөгчид оролцсон юм.

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт