Финлянд Улсын Хэлсинки хотноо зохион байгуулагдсан “Цахим иргэний үнэмлэхийн мэдээллийн удирдлага” сэдэвт сургалтанд оролцов

Улсын бүртгэлийн ерөнхий газар, "Gemalto" Co.,LTD хамтарсан “Цахим иргэний үнэмлэхийн мэдээллийн удирдлага” сэдэвт Хэлсинки хотноо 2014 оны 06 дугаар сарын 15-наас 19-ны өдрүүдэд болсон сургалтанд тус газрын Мэдээллийн технологийн газрын дарга М.Алтанзүрх болон Мэдээллийн сан, програм хангамжийн хэлтсийн програмист Ц.Батаа нар оролцов.

Сургалтаар цахим засаглалын хөгжлийн туршлага болон оролцогчдод захиргааны мэдээллийн удирдлагын талаар танилцуулах, туршлага судлах, захиргааны мэдээллийн удирдлага дахь цахим үнэмлэхийн үүрэг оролцоог хөгжүүлэх асуудлыг дэмжих, цахим бодлого, цахим засаглалын тухай ерөнхий ойлголт өгөхөөс гадна улсын мэдээллийн бүтэц, Монгол Улсын хөгжлийг дэмжих цахим гарын үсгийн системийн талаар үндсэн ойлголт өгсөн юм. Дашрамд дурдахад УБЕГ болон "Gemalto" компани 2012 оноос эхлэн Монгол Улсын иргэний цахим үнэмлэхийн бэлдэцийг нийлүүлэн хамтран ажиллаж ирсэн бөгөөд энэ хүрээнд цахим үнэмлэхийн технологийг хөгжүүлэх, дэмжих зорилгоор сургалтын төлөвлөгөөний дагуу үйлдвэрийн байранд Монгол улсын бүртгэлийн байгууллагын холбогдох хүмүүсийг ийнхүү хамруулсан юм.

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт