Previous Next

Консулын газрын иргэний бүртгэл хариуцсан ажилтнуудад цахим сургалтыг зохион байгууллаа

Гадаад харилцаа, эдийн засгийн хамтын ажиллагааны яам болон Улсын бүртгэлийн ерөнхий газраас хамтран энэ сарын 10, 11-ны өдөр Монгол Улсаас гадаад улсад ажиллаж байгаа Дипломат төлөөлөгчийн болон Консулын газрын иргэний бүртгэл хариуцсан ажилтнуудын дунд цахим сургалтыг зохион байгуулав.

Уг цахим сургалтад Иргэний бүртгэлийн газрын дарга Ц.Батцайз, улсын ахлах бүртгэгч Д.Отгонжаргал, Т.Отгонбаяр, А.Мөнхцэцэг,С.Баттөгс нар оролцож, иргэний гэр бүлийн байдлын бүртгэл, иргэний шинэчилсэн бүртгэл, гадаадын иргэний гэр бүлийн байдлын бүртгэл, гадаадад зорчих эрхийн бүртгэлийн талаар цахим хичээл зааж, консулын ажилчдын сонирхсон асуултанд хариулав. Сургалтын үеэр Иргэний улсын бүртгэлийн тухай хууль болон холбогдох бусад хууль тогтоомж, дүрэм журмыг хэрхэн хэрэгжүүлэх, иргэний улсын бүртгэлийг хөтлөхтэй холбогдуулан гарч байгаа анхаарах асуудлын талаар харилцан санал бодлоо солилцов. Сургалтыг Дипломат төлөөлөгчийн болон консулын газрын оршин байх бүс нутгийн газар зүйн байршил, цагийн зөрүүгээс хамааран 2 бүст хуваан зохион байгуулав. Тухайлбал, 2014 оны 12 дугаар сарын 10-ны өдөр Жакарта, Канбера, Токио, Сөүл, Эрхүү, Осака, Улаан-Үд, Хөх хот, Сингапур, Эрээн , Хонконг, Бээжин, Веньтян, Ханой, Астана, Бангконг, Астана, Дели хот дахь Дипломат төлөөлөгчийн газар болон Консулын ажилтан, 2014 оны 12 дугаар сарын 11-ний өдөр Москва, Кайр, Анкара, Софи, Стокольм, Женев, Варшав, Парис, Прага, Берлин, Варшав, Ром, Берлин , Брюсель, Будапешт, Лондон зэрэг хотод оршин суугаа Консулын ажилтан нар дээрх сургалтад оролцсон юм.

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт