Францын Элчин сайдыг хүлээн авч уулзлаа

 

DSC04927.jpg - 6.81 MB

 

ОӨУБЕГ–ын дарга Р.Содхүү өнөөдөр Бүгд Найрамдах Франц Улсаас Монгол Улсад суугаа Элчин сайд Эрхэмсэг хатагтай Элизабет Барсак тэргүүтэй төлөөлөгчдийг хүлээн авч уулзлаа. 

 

Уулзалтын эхэнд хатагтай Элизабет ОӨУБЕГ-ын  дарга Р.Содхүүг шинээр томилогдсонд баяр хүргээд, БНФУ-ын зүгээс Оюуны өмчийн Газар зүйн заалтын чиглэлээр тогтоосон найрсаг харилцаа, хамтын ажиллагаанд сэтгэл өндөр байгаагаа илэрхийллээ. Мөн дээрх чиглэлээр хоёр улсын хамтын ажиллагааг гүнзгийрүүлэхэд өндөр ач холбогдол өгч байгаагаа дурдав. Энэ үеэр тус газрын дарга Франц улсын бүртгэлийн чиглэлээр үйл ажиллагаа эрхэлдэг төрийн байгууллагуудтай хамтран ажиллах, туршлага судлах хүсэлтэй байгаагаа илэрхийлснийг Элчин сайд сайшаан хүлээн авч,  өөрийн орны бүртгэлийн систем, түүхийн талаар мэдээлэл өгч, цаашид дэмжлэг үзүүлэхэд бэлэн гэдгээ хэллээ. 

DSC04919.jpg - 4.62 MB

 

Уулзалтын төгсгөлд хоёр тал Газар зүйн заалтын чиглэлээр Монгол Улстай хийгдсэн хамтын ажиллагааны түүх, ач холбогдол, мэдээллийг харилцан солилцож,  найрсаг хамтын ажиллагааг өргөжүүлэх хүрээнд харилцан айлчлалыг тухай бүр хийхээр санал нэгдэж, тохиров.

 

DSC04915.jpg - 6.52 MB

Энэхүү уулзалтад Хяналт-шинжилгээ, үнэлгээ, дотоод аудитын газрын дарга Т.Гантөмөр, Аж үйлдвэрийн өмчийн эрхийн газрын дарга С.Урангэрэл нар болон Бүгд Найрамдах Франц Улсаас Монгол Улсад суугаа Элчин сайдын яамны албаны төлөөлөгчид оролцлоо.

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт