Туркийн хамтын ажиллагааг зохицуулах агентлагийн төлөөлөгчид ОӨУБЕГ-ын удирдлагыг хүлээн авч уулзлаа

Оюуны өмч, улсын бүртгэлийн ерөнхий газрын дарга Р.Содхүү, Тамгын газрын дарга Б.Бадамцэцэг, ХШҮДАГ-ын дарга Т.Гантөмөр нар өнөөдөр Туркийн хамтын ажиллагааг зохицуулах агентлаг /ТИКА/-ийн Улаанбаатар дахь төлөөлөгчийн газарт зочилж,

Хөтөлбөр зохицуулагч ноён Вэйсэл Чифтжитэй уулзаж, байгууллагын шинэ бүтэц зохион байгуулалтын талаар танилцуулга, мэдээлэл өгч, цаашид хамтын ажиллагааг өргөжүүлэх чиглэлд санал солилцлоо. 

 

Тус уулзалтаар Засгийн газрын үйл ажиллагааны хөтөлбөрийн тус байгууллагатай холбогдох зорилтууд, бүртгэлийн байгууллагын онцлог, цар хүрээ, чадавхийг бэхжүүлэх шаардлагыг дурдаад БНТУ-ын бүртгэлийн байгууллагуудтай харилцаа тогтоон Харилцан ойлголцлын санамж бичиг байгуулахад дэмжлэг авах, бүртгэлийг төгөлдөршүүлэхэд чиглэсэн аливаа төсөл, хөтөлбөрт хамрагдах, албан хаагчдыг сургах, мэргэшүүлэх, дэвшилтэт техник, технологийн туслалцаа авах асуупдаар дэмжлэг хүсч саналаа илэрхийлэв. 

ТИКА-ын зүгээс нэн түрүүнд Оюуны өмч, Улсын бүртгэлийн газрын чадавхыг бэхжүүлэх, БНТУ-ын ижил төстэй үйл ажиллагаа явуулдаг байгууллагуудтай хамтарч ажиллах Санамж бичиг байгуулахад дэмжлэг үзүүлж ажиллахаа илэрхийлж, цаашид уулзалт тогтмол зохион байгуулж, хамтын ажиллагааг өргөжүүлж ажиллахад бэлэн байгаагаа энэ үеэр илэрхийлэв. 

ТИКА-ийн Улаанбаатар дахь хөтөлбөр зохицуулалтын газар 2004 онд байгуулагдсанаас хойшхи 490 гаруй төсөл, хөтөлбөрүүдийг амжилттай хэрэгжүүлж, Монгол Улсын хөгжилд үнэтэй хувь нэмрээ оруулсан байгууллага билээ.

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт