Previous Next

“Монгол Улс, Оросын Холбооны Улс дахь гадаадын хөрөнгө оруулалттай компаний бүртгэлийн хууль, эрх зүйн зохицуулалт” сэдэвт дугуй ширээний уулзалт амжилттай явагдаж дууслаа

Улсын бүртгэлийн ерөнхий газар, ОХУ-ын Хууль зүйн яамны дэргэдэх Улсын бүртгэлийн газар хоорондын уялдаа холбоог сайжруулах, бизнес эрхлэгчдийг дэмжих, мэдээлэл, туршлага солилцох зорилгоор 2012 оны 3 дугаар сард ОХУ-ын бүртгэлийн газар, ОХУ-д суугаа Монгол Улсын Элчин сайдын яам, УБЕГ, Гадаадын хөрөнгө оруулалтын газар, Монголын Үндэсний Худалдаа аж үйлдвэрийн танхим болон орос монголын бизнес эрхлэгчдийн төлөөллийг оролцуулсан “Монгол Улс, Оросын Холбооны Улс дахь гадаадын хөрөнгө оруулалттай компаний бүртгэлийн хууль, эрх зүйн зохицуулалт” сэдэвт дугуй ширээний уулзалтыг зохион байгуулав.

 

Дугуй ширээний уулзалт УБЕГ-ын даргын үүргийг түр орлон гүйцэтгэгч Л.Амарсанаа нээж үг хэлснээр эхэлсэн бол ОХУ-ын Хууль зүйн яамны дэргэдэх Улсын бүртгэлийн газрын дэд дарга Исаханов.А.П “ОХУ-ын хуулийн хүрээнд гадаадын хуулийн этгээд болон төлөөлөгчийн газарт зөвшөөрөл олгон бүртгэхэд Оросын Холбооны Улсын Хууль зүйн яамны дэргэдэх Улсын бүртгэлийн газрын үүрэг оролцоо” сэдвээр, Улсын бүртгэлийн ерөнхий газрын Хуулийн этгээдийн бүртгэлийн газрын дарга Б.Нямдулам “УБЕГ-ын Хуулийн этгээдийн бүртгэлийн өнөөгийн байдал, цаашдын зорилт” сэдвээр, Гадаадын хөрөнгө оруулалтын газрын Хөрөнгө оруулалтын бүртгэл үйлчилгээний хэлтсийн дарга Г.Гантулга “Монгол улс дахь ОХУ-ын хөрөнгө оруулалтын өнөөгийн байдал, бүртгэлийн асуудал” сэдвээр тус тус илтгэл тавив. Монголын Үндэсний Худалдаа, Аж үйлдвэрийн танхимын Ерөнхий нарийн бичгийн дарга Э.Оюунтэгш Монголын бизнес эрхлэгчид Оросын Холбооны Улсад үйл ажиллагаа явуулах, хамтран ажиллахад тулгамддаг бэрхшээлүүдийг хөндсөн бөгөөд түүнийг хэрхэн шийдвэрлэж болох талаар уулзалтад оролцогчид санал бодлоо солилцсон юм. Түүнчлэн бизнес эрхлэгчдийн төлөөлөл Улсын бүртгэлийн ерөнхий газар болон ОХУ-ын ХЗЯ-ны дэргэдэх Улсын бүртгэлийн газрын төлөөллөөс хэлэлцүүлгийн үеэр сонирхосон асуултаа асууж байв.

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт