Previous Next

Тус газрын архивчид Олон Улсын Архивын зөвлөлийн зүүн хойд азийн бүсийн салбар /EASTICA/-ын шугамаар зохион байгуулагдсан “Архивын удирдлага-Олон улсын архивын стандарт” сэдэвт олон улсын сургалт-семинарт оролцов

1992 оны Монтреалд болсон Олон Улсын архивын зөвлөлийн Их хурлын үеэр Олон Улсын архивын зөвлөлийн үндсэн зорилтыг мөрдлөг болгон үйл ажиллагаагаа явуулах Зүүн азийн орнуудын архивын салбар зөвлөл байгуулах саналыг БНХАУ, Япон, Макао, БНСУ-ын төлөөлөгчид дэвшүүлж Монгол, Хонконг, БНАСУлс дэмжсэнээр 1993 оны 7 сарын 7-ны өдөр Олон Улсын архивын зөвлөлийн 10 дахь салбар болох Зүүн азийн орнуудын архивын салбар зөвлөл албан ёсоор байгуулагдсан байна.

Олон Улсын Архивын зөвлөлийн зүүн хойд азийн бүсийн салбар /EASTICA/-ын шугамаар 2012 оны 7 дугаар сарын 17-20-ны өдөр “Архивын удирдлага-Олон улсын архивын стандарт” сэдэвт олон улсын сургалт-семинар Улаанбаатар хотноо зохион байгуулагдсан бөгөөд дээрх арга хэмжээнд Улсын бүртгэлийн ерөнхий газрын архивчид амжилттай оролцлоо. Энэ удаагийн сургалт-семинарын агуулгад архив, албан хэрэг хөтлөлтийн орчин үеийн менежмент, архивын баримтыг үнэлэх, ангилах, тодорхойлон бичих, цахим хэлбэрт оруулах зэрэг Монголын архивчдын хувьд зайлшгүй мэдвэл зохих асуудлууд тусгагдсан байв. Улсын бүртгэлийн ерөнхий газрын Иргэний баримтын архивын хэлтэс нь 2007 оны 10 дугаар сарын 21-ний өдөр тус зөвлөлд гишүүнээр элссэн бөгөөд өнөөдрийг хүртэл үйл ажиллагаанд нь идэвхтэй хамрагдан хамтран ажиллаж байна.

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт