Тус газрын Хуулийн этгээдийн бүртгэлийн газрын дарга Ц.Ганболд, Иргэний бүртгэлийн газрын даргын үүрэг гүйцэтгэгч Д.Энхцэцэг, Хуулийн хэлтсийн даргын үүрэг гүйцэтгэгч Б.Нямдулам нар 2009 оны 10дугаар сарын 15-наас 11 дүгээр сарын 09-ны хооронд Арабын Бүгд Найрамдах Египет Улсын Гадаад хэргийн яамны “Египетийн сан”, БНЕУ-ын Ерөнхийлөгч Хосни Мубаракын нэрэмжит Цагдаагийн академитай хамтран Каир хотноо зохион байгуулсан “Интернэтийн орчин дахь гэмт хэрэг түүнээс урьдчилан сэргийлэх арга зам” сэдэвт сургалтад оролцлоо.

НҮБ-ын Хөгжлийн хөтөлбөрийн дэмжлэгтэйгээр “Иргэний бүртгэлийн улсын нэгдсэн сүлжээ” төслийн хүрээнд 21 аймгийн төвийн сумдыг онлайн нэгдсэн сүлжээнд холбох, хуулийн этгээд, эд хөрөнгийн эрхийн бүртгэлийн программ хангамж суулгах, тохируулах, сургалт зохион байгуулах зэрэг ажлыг гүйцэтгүүлэхээр болоод байна.

Улс орон даяар 14 хоногийн өндөржүүлсэн бэлэн байдал зарласантай холбогдуулж тус газар нийт албан хаагчдаа А хүрээний H1N1 вирусээс урьдчилан сэргийлж, хамгаалах зорилгоор халдваргүйжилт, дархлаажуулалтын ажлыг эхлүүлээд байна.

Улсын бүртгэлийн ерөнхий газрын Эд хөрөнгийн эрхийн бүртгэлийн газар нь 2009 оны 11 дүгээр сарын 16-ны өдөр Улаанбаатар хотын хэмжээнд 1 сая дахь үйлчлүүлэгчээ хүлээн авлаа. Иргэн Магваны Түвшинбаяр Улаанбаатар хотод Эд хөрөнгийн эрхийн бүртгэлийн газраар үйлчлүүлсэн 1 сая дахь үйлчлүүлэгч болсон байна.

Улсын бүртгэлийн ерөнхий газар нь төрийн үйлчилгээ болон түүний талаарх мэдээллийг иргэдэд түргэн шуурхай, хүртээмжтэй хүргэхэд гол анхаарлаа хандуулан ажиллаж байна. Үүний хүрээнд энэ оны 3 дугаар сараас Улсын бүртгэлийн лавлах 1890 дугаарыг ажиллуулж эхлээд байгаа билээ.Энэ хугацаанд өнөөдрийг хүртгэл нийт 15000 гаруй иргэнд тус газрын үйл ажиллагаа болон улсын бүртгэлийн үйлчилгээтэй холбоотой бүхий л төрлийн мэдээ, мэдээллийг өгч үйлчилсэн байна. Түүнчлэн цахимд суурилсан хэд хэдэн үйлчилгээ нэвтрүүлсэн.Үүний нэг нь өөрийн байгууллагын энэхүү вебээрээ дамжуулж “Онлайн лавлах 1890”-ыг ажиллуулж иргэдэд мессенжерээр хүссэн мэдээллийг нь шууд шуурхай өгөхийн зэрэгцээ санал хүсэлт, өргөдөл гомдлыг нь хүлээн авч асуудлыг нь зохих журмын дагуу шийдвэрлэн ажиллаж байна. Уг үйлчилгээг нэвтрүүлснээр ажил ихтэй завгүй иргэдийн ажлыг хөнгөвчилсөн үр дүнтэй үйлчилгээ болж чадсан. Онлайн лавлахыг 7 дугаар сараас үйлчилгээндээ нэвтрүүлсэн бөгөөд энэ хугацаанд 600 гаруй иргэнд хэрэгцээтэй хүссэн мэдээллийг нь өгч үйлчилжээ.

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт