Төв аймгийн ЗДТГ-ын Хууль зүйн хэлтсийн харьяа агентлагуудын “Нээлттэй хаалганы өдөрлөг” боллоо

2018 оны 04 дүгээр сарын 25-ны өдөр Төв аймгийн ЗДТГ-аас “Нээлттэй хаалгын өдөрлөг” зохион байгуулав. Өдөрлөгт Цагдаагийн газар, Шүүхийн шийдвэр гүйцэтгэх газар, Шүүх шинжилгээний алба, Өмгөөллийн холбоо, Улсын бүртгэлийн хэлтэс  хамтран оролцлоо.

 

Тус аймгийн Улсын бүртгэлийн хэлтсээс 16 насанд  иргэнээр “Монгол Улсын иргэний андгай” өргүүлэх ёслолыг зохион байгуулж, иргэний үнэмлэх, Төрийн банкны хадгаламжийн дэвтэр, дурсгалын зүйл гардууллаа. 

Улсын бүртгэлийн аэлтсийн дарга Н.Энхбат “Монгол Улсын иргэний үнэмлэх”-ээ гардан авч байгаа хүүхэд,  залуучуудад хандаж үг хэллээ. Тэрээр “Хүүхэд дөнгөж төрөөд Монгол Улсын иргэний тоог нэгээр нэмдэг ч иргэний үнэмлэхээ гардаж, иргэний андгай өргөсөн энэ өдрөөс улсынхаа ачаанаас хамтдаа үүрэлцэх, алдаа, оноо, ололт, хариуцлагыг хамтдаа хуваалцах иргэн нь болдог. Эх орныхоо эс ширхэг нь болсон иргэн бүр өөрт оноогдсон үүрэг хариуцлагаа ухамсарлан, зорилгоо тодорхойлон, сурч боловсрон, хөдөлмөрлөж байж улс орон хөгжинө. Залуу насаа зорилготой байлгацгаая” гэлээ.

Мөн өдөрлөгийн үеэр Иргэний бүртгэлийн чиглэлээр 25, иргэний бүртгэлийн лавлагаагаар 23, Эд хөрөнгийн эрхийн бүртгэлээр 10, хуулийн этгээдийн бүртгэлээр 8 иргэнд тус тус  үйлчилгээ үзүүлэв.

 

ХАРИЛЦАХ

Засгийн газрын хэрэгжүүлэгч агентлаг - Улсын бүртгэлийн ерөнхий газар 14171 Улаанбаатар хот, Сүхбаатар дүүргийн 7-р хороо
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт