Previous Next

Ахмадууддаа хүндэтгэл үзүүллээ

User Rating: 0 / 5

Star InactiveStar InactiveStar InactiveStar InactiveStar Inactive
 

Манай улс жил бүрийн аравдугаар сарын 1-ны өдрийг “Ахмадын баяр”-ын өдөр хэмээн тэмдэглэдэг уламжлалтай. Энэ өдрийг угтан Улсын бүртгэлийн ерөнхий газрын дарга болон зарим удирдлагууд олон жил үр бүтээлтэй ажиллаж байгаад өндөр насны тэтгэвэрт гарсан ахмадуудаа Их тэнгэр цогцолборын “Маршал” харшид өнөөдөр хүлээн авч уулзан, хүндэтгэл үзүүллээ.

Уулзалтыг нээж Улсын бүртгэлийн ерөнхий газрын дарга Ц.Пүрэвдорж ахмадууддаа мэндчилгээ дэвшүүлээд улсын бүртгэлийн байгууллагын өнөөгийн шинэчлэл, бүтээн байгуулалт, цаашид хийх ажлын талаар товч танилцуулж, тэдний санал бодлыг сонслоо. Тэрээр сэтгэл зүрх, хүч хөдөлмөрөө шингээн энэ салбарын түүхийг бичилцэж, бүтээн байгуулалтын суурийг тавьсан нь ахмад буурлуудтай минь салшгүй холбоотой гэдгийг онцлон хэллээ. Улсын бүртгэлийн ерөнхий газар үе үеийн дарга, газар, хэлтсийн дарга нар болон мэргэжилтэн, аж ахуй үйлчилгээнд ажиллаж байсан 60 гаруй ахмадтайгаас өнөөдрийн арга хэмжээнд 40 гаруй ахмад хүрэлцэн ирсэн юм. Ахмад, буурлууд маань энэ үеэр Маршал харштай танилцаж, дурсгалын зураг авхуулаад зогсохгүй залуу хойч үеийнхэндээ үнэтэй зөвлөгөө өгч, туршлагаа хуваалцлаа. Энэ үеэр Улсын бүртгэлийн ерөнхий газрын анхны даргын албыг хашиж явсан ахмад настан Ч.Агвааноров гуай хэлэхдээ “Улсын бүртгэлийн байгууллагаас сүүлийн жилүүдэд нилээдгүй томоохон ажлуудыг хийж, ахмад бидний хийж чадаагүй шинэчлэл, өөрчлөлтийг эрчимтэй хийж байгаад сэтгэл өндөр байна. Ахмадууд бидэндээ ээлтэй байдагт талархаж явдгаа энэ дашрамд илэрхийлэхэд таатай байна. Ялангуяа өнөөдөр энэхүү Маршал өргөөнд биднийг хүлээн авч, танилцуулсан нь том хүндэтгэл байсан” гэдгийг онцлов. Улсын бүртгэлийн ерөнхий газрын удирдлагууд үнэтэй зөвлөгөө өгч, санал бодлоо хуваалцсан ахмадууддаа талархаж байгаагаа илэрхийлээд эрүүл энх байж, урт удаан наслахыг хүслээ.