Оюуны өмч, улсын бүртгэлийн ерөнхий газраас 2017 оны 09 дүгээр сарын 11-нээс 15-ны өдрүүдэд улсын бүртгэгчээр томилогдохоор судлагдаж байгаа албан хаагчдад улсын бүртгэлийн хууль тогтоомж, дүрэм журам, ёс зүйн хэм хэмжээ, иргэн, эд хөрөнгө, хуулийн этгээдийн улсын бүртгэлийн чиглэлээр онол, дадлага, бүртгэлийн цахим системийн мэдлэг олгох зорилгоор сургалт зохион байгууллаа.

Асуулт: Хөдлөх эд хөрөнгө болон эдийн бус хөрөнгийн барьцааны бүртгэлийн барьцааны зүйлд ямар хөрөнгийг хамааруулах вэ?

Хариулт: Ирээдүйд бий болох хөдлөх эд хөрөнгө, бүх төрлийн хувьцаа, үнэт цаас, шаардах эрх, шинжлэх ухаан, утга зохиол, урлагийн бүх төрлийн бүтээл, шинэ бүтээл, бүтээгдэхүүний загвар, барааны тэмдэг, ашигтай загвар болон бусад хөдлөх эд хөрөнгө, эдийн бус хөрөнгө нь барьцааны зүйл байж болно

Асуулт: Хөдлөх эд хөрөнгийн барьцааг заавал бүртгүүлэх шаардлагатай юу ?

Хариулт: Хөдлөх эд хөрөнгө болон эдийн бус хөрөнгийн барьцааны тухай хуульд барьцааны мэдэгдлийг бүртгүүлж болно гэж заасан бөгөөд цахим системд барьцаалагч болон түүний бие төлөөлөгч нь барьцааны мэдэгдлийг бүртгэн оруулна. Барьцаалагч нь барьцаалуулагчийн хөрөнгө барьцаанд байгаа тухай олон нийтэд нээлттэй цахим санд оруулснаар өөрийгөө эрсдлээс хамгаалах нөхцлийг бүрдүүлдэг.

Асуулт: ТҮЦ машинаас эд хөрөнгийн эрхийн улсын бүртгэлийн ямар үйлчилгээг авах боломжтой вэ ?

Хариулт: “Төрийн үйлчилгээний цахим” машинаас эд хөрөнгийн эрхийн бүртгэлийн  лавлагааг авч болно. Гэхдээ нийслэлийн 9 дүүрэг болон эд хөрөнгийн архивын нотлох баримтын цахимжуулалт хийгдсэн Баянхонгор, Дархан, Дорнод, Завхан, Орхон, Өвөрхангай, Өмнөговь, Төв, Ховд,  Хэнтий аймгийн хүрээнд  иргэн өөрөө ТҮЦ-ээс лавлагаа авах боломжтой,  харин бусад 11  аймгийн тухайд эд хөрөнгийн эрхийн бүртгэлийн лавлагааг ТҮЦ-ээс авах боломжгүй.

Асуулт: Нийслэлийн төрийн үйлчилгээний нэгдсэн төвүүдэд эд хөрөнгийн эрхийн улсын бүртгэлийн чиглэлээр ямар үйлчилгээг үзүүлдэг вэ ?

Хариулт: Нийслэлийн төрийн үйлчилгээний нэгдсэн төвүүдэд Баянгол, Баянзүрх, Чингэлтэй, Сүхбаатар, Сонгинохайрхан, Хан-Уул дүүрэгт байрлах эд хөрөнгийн өмчлөх эрх шилжүүлэх гэрээ буюу бэлэглэх, худалдах, худалдан авах, арилжааны гэрээнүүд, бүртгэлд нэмэлт өөрчлөлт оруулах бүртгэл, мөн барьцааны болон түрээсийн гэрээ, лавлагаа авах үйлчилгээ хийгдэж байна.  Харин газар болон газраас бусад үл хөдлөх эд хөрөнгийн анхны  бүртгэл, шүүхийн болон албадан дуудлага худалдаагаар өмчлөх эрх шилжих, гээгдүүлсэн гэрчилгээ шинээр авах, эрхийн улсын бүртгэлийг хаах зэрэг үйлчилгээнүүд тус тус хийгддэггүй болно.

Видео мэдээ

ХАРИЛЦАХ

Засгийн газрын хэрэгжүүлэгч агентлаг - Оюуны өмч, улсын бүртгэлийн ерөнхий газар 14171 Улаанбаатар хот, Сүхбаатар дүүрэг, Цагдаагийн гудамж
Ажлын цаг : Даваа - Баасан гариг, 8.30 - 17.30 цаг
Бямба, Ням амарна.
Утас : 1800-1890, 320502 /энгийн утасны тарифаар/
И-мэйл хаяг : contact@burtgel.gov.mn
Вэб сайт : http://burtgel.gov.mn

Хайлт